اسرائیل-حماس جنگ سے دور رہو ورنہ… بنجامن نیتن یاہو کی حزب اللہ کو وارننگ، لبنان میں ایسی تباہی آئے گی کہ…
Benjamin Netanyahu Warn Hezbollah: اسرائیل نے غزہ اور لبنان کے قریب اپنی برادریوں کو نکال کر ملک کے دیگر مقامات پر ہوٹلوں میں رکھا ہے۔ 20 اکتوبر کو وزارت دفاع نے لبنان کی سرحد کے قریب واقع شہر کریت شمونہ کے لیے ایک منصوبے کا اعلان کیا۔ اس اسکیم کے تحت شہر کے 20 ہزار سے زائد لوگوں کو نقل مکانی کرائی گئی ہے۔
تل ابیب: اسرائیلی وزیر اعظم بنجامن نیتن یاہو نے اتوار کے روز حزب اللہ کو ایک تازہ انتباہ جاری کرتے ہوئے کہا کہ اگر وہ اسرائیل کے ساتھ جنگ کرتا ہے تو “اس سے اس پر اور لبنان پر ناقابل تصور تباہی آئے گی۔” حزب اللہ لبنان کو ایک وسیع علاقائی جنگ میں گھسیٹنے کا خطرہ بتاتے ہوئے اسرائیلی وزیر اعظم نے کہا کہ وہ “ابھی یہ نہیں کہہ سکتے کہ آیا حزب اللہ ایک مکمل جنگ میں داخل ہونے کا فیصلہ کرے گی یہ نہیں”۔
7 اکتوبر کو جنوبی اسرائیل پر فلسطینی گروپ کے مہلک حملوں کے بعد اسرائیلی افواج حماس سے لڑ رہی ہیں۔ بینجامن نیتن یاہو نے فوجیوں کو بتایا کہ غزہ میں جاری جنگ اسرائیل کے لیے ’کرو یا مرو‘ ہے۔ اسرائیل نے کہا کہ لبنان سے دوبارہ ٹینک شکن میزائل داغے گئے لیکن اس نے اسے روک دیا ہے۔
