سرنگ سے مزدوروں کو نکالنے کے جذبے کو سلام، ریسکیو آپریشن کی کامیابی جذباتی کردینے والی: وزیراعظم مودی
سرنگ سے مزدوروں کو نکالنے کے جذبے کو سلام، ریسکیو آپریشن کی کامیابی جذباتی کردینے والی: وزیراعظم مودی
سبھی کارکنوں کو بحفاظت سرنگ سے باہر نکالے جانے کے بعد وزیر اعظم مودی نے ایکس (سابقہ ٹویٹر) پر کہا: “میں اس ریسکیو آپریشن سے وابستہ سبھی لوگوں کے جذبے کو بھی سلام کرتا ہوں۔ ان کی بہادری اور عزم نے ہمارے مزدور بھائیوں کو نئی زندگی دی ہے۔ اس مشن میں شامل ہر فرد نے انسانیت اور ٹیم ورک کی ایک حیرت انگیز مثال قائم کی ہے۔”
نئی دہلی/اتراکاشی : اتراکھنڈ کے اترکاشی ضلع کے سلکیارا میں زیر تعمیر سرنگ میں پھنسے سبھی 41 مزدوروں کو باہر نکالے جانے کے بعد وزیر اعظم نریندر مودی نے ریسکیو آپریشن سے وابستہ سبھی لوگوں کے جذبے کو سلام کیا۔ اس کے ساتھ ہی وزیر اعظم نے سرنگ میں پھنسے کارکنوں کے حوصلے اور صبر کی تعریف کی اور ان کی اچھی صحت کے لئے دعا کی۔ سبھی کارکنوں کو بحفاظت سرنگ سے باہر نکالے جانے کے بعد وزیر اعظم مودی نے ایکس (سابقہ ٹویٹر) پر کہا: “میں اس ریسکیو آپریشن سے وابستہ سبھی لوگوں کے جذبے کو بھی سلام کرتا ہوں۔ ان کی بہادری اور عزم نے ہمارے مزدور بھائیوں کو نئی زندگی دی ہے۔ اس مشن میں شامل ہر فرد نے انسانیت اور ٹیم ورک کی ایک حیرت انگیز مثال قائم کی ہے۔”
انہوں نے کہا: ” سرنگ میں جو بھی ساتھی پھنسے ہوئے تھے، ان سے میں کہنا چاہتا ہوں کہ آپ کی ہمت اور صبر سب کو متاثر کر رہا ہے۔ میں آپ سب کی بھلائی اور اچھی صحت کی دعا کرتا ہوں۔” وزیراعظم مودی نے کہا کہ اترکاشی میں ہمارے مزدور بھائیوں کے ریسکیو آپریشن کی کامیابی سبھی کو جذباتی کرنے والی ہے۔
