’ تاریخ میں پہلی بار مسجد میں…‘ ایل جی سکسینہ نے عید الفطر پر کیوں کہی یہ بڑی بات؟
’ تاریخ میں پہلی بار مسجد میں…‘ ایل جی سکسینہ نے عید الفطر پر کیوں کہی یہ بڑی بات؟
دہلی کے لیفٹیننٹ گورنر وی کے سکسینہ نے جمعرات کو کہا کہ اس سال کی عید پر دہلی کی تاریخ میں شاید پہلی بار سڑکوں پر نہیں بلکہ مساجد کے اندر نماز ادا کی گئی اور یہ ہم آہنگی اور مل جل کر رہنے کی ایک بہترین مثال ہے۔
نئی دہلی : دہلی کے لیفٹیننٹ گورنر وی کے سکسینہ نے جمعرات کو کہا کہ اس سال کی عید پر دہلی کی تاریخ میں شاید پہلی بار سڑکوں پر نہیں بلکہ مساجد کے اندر نماز ادا کی گئی اور یہ ہم آہنگی اور مل جل کر رہنے کی ایک بہترین مثال ہے۔ ایل جی وی کے سکسینہ نے جمعرات کو عید کے موقع پر لوگوں کو مبارکباد دی۔ ایل جی نے کہا کہ اس سے ظاہر ہوتا ہے کہ سبھی مسائل کو باہمی بات چیت اور خیر سگالی کے ذریعے حل کیا جا سکتا ہے۔ سکسینہ نے ‘X’ پر ایک پوسٹ میں کہا کہ دہلی میں کہیں بھی سڑکوں پر نماز نہیں پڑھی گئی اور کہیں بھی کوئی ناخوشگوار واقعہ پیش نہیں آیا۔
ایل جی نے ‘X’ پر لکھا، ‘عید الفطر کی مبارکباد کا اعادہ کرتے ہوئے، میں دہلی کی سبھی مساجد اور عیدگاہوں کے اماموں اور اپنے سبھی مسلمان بھائیوں کا مسجد کے احاطے میں نماز ادا کرنے کے لیے تہہ دل سے شکریہ ادا کرتا ہوں۔’ سکسینہ نے کہا کہ مسجد کے اندر نماز ادا کرکے مسلم کمیونٹی کے ارکان اور اماموں نے اس بات کو یقینی بنایا کہ سڑکوں پر جام نہ ہو اور عام آدمی کو کسی قسم کی پریشانی کا سامنا نہ ہو۔
