مہاراشٹر میں کیا کھچڑی پک رہی؟ شرد پوار نے وزیراعلی شندے، نائب وزیراعلی فڑنویس اور بھتیجے اجیت کو کھانے پر بلایا

 نیشنلسٹ کانگریس پارٹی (شردچندر پوار) کے صدر شرد پوار نے 2 مارچ کو اپنے آبائی شہر کے دورے کے دوران مہاراشٹر کے وزیر اعلی ایکناتھ شندے، نائب وزیر اعلی دیویندر فڑنویس اور اجیت پوار کو بارامتی میں اپنی رہائش گاہ پر کھانے پر مدعو کیا ہے۔

پونے : نیشنلسٹ کانگریس پارٹی (شردچندر پوار) کے صدر شرد پوار نے 2 مارچ کو اپنے آبائی شہر کے دورے کے دوران مہاراشٹر کے وزیر اعلی ایکناتھ شندے، نائب وزیر اعلی دیویندر فڑنویس اور اجیت پوار کو بارامتی میں اپنی رہائش گاہ پر کھانے پر مدعو کیا ہے۔ شرد پوار کے سبھی سیاسی حریف شندے اپنے نائب فڑنویس اور اجیت پوار کے ساتھ پونے ضلع کے بارامتی شہر میں ودیا پرتشٹھان کالج کے کیمپس میں ایک نوکری میلہ ‘نمو مہاروزگار میلاوا’ میں شرکت کریں گے۔ شرد پوار کی وزیراعلی ایکناتھ شندے اور دونوں نائب وزرائے اعلی دیویندر فڑنویس اور بھتیجے اجیت پوار کو حیرت انگیز دعوت 1999 میں ان کے ذریعہ بنائی گئی پارٹی این سی پی میں تقسیم اور ان کے بھتیجے اجیت پوار کے ساتھ کشیدہ تعلقات کے پس منظر میں آئی ہے۔

اجیت پوار نے اپنے چچا شرد پوار سے علاحدگی اختیار کر لی ہے اور شیوسینا-بی جے پی مخلوط حکومت میں شامل ہو گئے ہیں۔ شیوسینا-بی جے پی کی حکومت گزشتہ سال جولائی میں بنی تھی۔ اجیت پوار سے بھی بات چیت چل رہی ہے، جنہیں تقسیم کے بعد این سی پی کا نام اور انتخابی نشان ملا ہے۔ اجیت پوار بارامتی لوک سبھا حلقہ سے امیدوار کھڑا کرنے کے بارے میں سوچ رہے ہیں، جس کی نمائندگی فی الحال ان کی چچا زاد بہن اور شرد پوار کی بیٹی سپریا سولے کر رہی ہیں۔

وزیراعلی شندے، فڑنویس اور اجیت پوار کو دیے گئے دعوت نامے میں سابق مرکزی وزیر شرد پوار نے کہا کہ رکن پارلیمنٹ کے طور پر وہ اور سولے بارامتی میں سرکاری پروگرام میں شرکت کرنا چاہیں گے۔ راجیہ سبھا رکن پوار نے شندے کو لکھے خط میں کہا ہے کہ ودیا پرتشٹھان کے صدر کی حیثیت سے انہیں تعلیمی ادارے کے احاطے میں وزیر اعلیٰ کا استقبال کرنے میں خوشی ہوگی۔