’موسے والا کا قریبی تھا اس لئے مارا‘، کرنی سینا صدر قتل کیس میں لارینس بشنوئی گینگ کا بڑا دعوی
’موسے والا کا قریبی تھا اس لئے مارا‘، کرنی سینا صدر قتل کیس میں لارینس بشنوئی گینگ کا بڑا دعوی
راشٹریہ راجپوت کرنی سینا کے قومی صدر سکھدیو سنگھ گوگامیڑی قتل کیس میں بدھ کو ایک بڑا اپ ڈیٹ آیا۔ لارینس بشنوئی گینگ پہلے ہی اس قتل کی ذمہ داری قبول کر چکا ہے۔
ے پور: راشٹریہ راجپوت کرنی سینا کے قومی صدر سکھدیو سنگھ گوگامیڑی قتل کیس میں بدھ کو ایک بڑا اپ ڈیٹ آیا۔ لارینس بشنوئی گینگ پہلے ہی اس قتل کی ذمہ داری قبول کر چکا ہے۔ اب اس تازہ فیس بک پوسٹ میں یہ دعویٰ کیا گیا ہے کہ مقتول سکھ دیو سنگھ سدھو موسے والا کا قریبی تھا، اس لئے اس کا قتل کیا گیا۔ بتایا گیا کہ سکھ دیو کا قتل بدلہ لینے کے لیے کیا گیا ۔ تاہم یہ نہیں بتایا گیا کہ کس بات کا انتقام لینے کیلئے اس واردات کو انجام دیا گیا تھا ۔
کرنی سینا کے قومی صدر سکھدیو سنگھ کو بدھ کو نامعلوم افراد نے شیام نگر علاقے میں ان کے گھر پر قتل کر دیا تھا۔ چار سے پانچ نوجوان ملاقات کے بہانے گھر آئے تھے۔ اس نے تقریباً 10 منٹ گھر میں گزارے اور پھر گولی مار کر ان کا قتل کر دیا۔ انہیں فوری طور پر قریبی میٹرو ماس اسپتال لے جایا گیا، جہاں انہیں مردہ قرار دے دیا گیا۔ یہ واقعہ گھر میں لگے سی سی ٹی وی کیمرے میں بھی قید ہو گیا تھا۔
