ہریانہ میں ٹوٹا بی جے پی ۔ جے جے پی کا اتحاد، دشینت چوٹالہ نے دی جانکاری
ہریانہ میں ٹوٹا بی جے پی ۔ جے جے پی کا اتحاد، دشینت چوٹالہ نے دی جانکاری
ہریانہ میں بی جے پی اور جے جے پی کا اتحاد ٹوٹ گیا ہے۔ دشینت چوٹالہ نے منگل کی صبح دہلی میں اس سلسلے میں بڑا اعلان کیا ۔ ذرائع کے مطابق بی جے پی کوٹے کے بھی کچھ وزراء سے استعفیٰ لیا جا سکتا ہے۔
چندی گڑھ : ہریانہ میں بی جے پی اور جے جے پی کا اتحاد ٹوٹ گیا ہے۔ دشینت چوٹالہ نے منگل کی صبح دہلی میں اس سلسلے میں بڑا اعلان کیا ۔ ذرائع کے مطابق بی جے پی کوٹے کے بھی کچھ وزراء سے استعفیٰ لیا جا سکتا ہے۔ ایسے میں آزاد ایم ایل ایز کے لیے لاٹری لگ سکتی ہے اور انہیں ہریانہ کی کابینہ میں جگہ مل سکتی ہے۔ ساتھ ہی وزیراعلی منوہر لال کھٹر بھی استعفیٰ دے سکتے ہیں۔
ذرائع کے مطابق منگل کی شام نئے وزراء سے حلف لیا جا سکتا ہے۔ فی الحال جنتا جن نائک پارٹی کے سربراہ دشینت چوٹالہ نے دہلی میں صبح 11 بجے قانون ساز پارٹی کی میٹنگ بلائی ہے۔ فی الحال جے جے پی کے پانچ ایم ایل اے چندی گڑھ میں ہی موجود ہیں۔ وہ اجلاس میں شرکت نہیں کریں گے۔ دوسری طرف وزیر اعلیٰ منوہر لال سے ملاقات کے بعد آزاد ایم ایل اے نین پال راوت نے بڑا بیان دیا ہے۔ نین پال راوت نے کہا کہ بی جے پی-جے جے پی اتحاد ٹوٹنے والا ہے۔ ایسے میں بی جے پی ہریانہ کی تمام 10 لوک سبھا سیٹوں پر اکیلے الیکشن لڑے گی۔
بتا دیں کہ قانون ساز پارٹی کی میٹنگ سے قبل آزاد ایم ایل اے رندھیر سنگھ گولن وزیر اعلیٰ کی رہائش گاہ پہنچے تھے۔ اس دوران وزیر اعلیٰ منوہر لال ایم ایل اے رندھیر سنگھ گولن سے ملاقات کریں گے۔ قبل ازیں آزاد ایم ایل اے نین پال راوت نے وزیر اعلیٰ سے ملاقات کی۔ خیال رہے کہ آج کا دن ہریانہ میں بی جے پی-جی جے پی مخلوط حکومت کے لیے بہت اہم مانا جا رہا ہے۔
