ایران اوراسرائیل کاسفر کرنے سے کریں گریز: وزارتِ خارجہ کی ٹریول ایڈوائزری

ایران اوراسرائیل کاسفر کرنے سے کریں گریز: وزارتِ خارجہ کی ٹریول ایڈوائزری

ہندوستان کی وزارت خارجہ نے ہندوستانی شہریوں پر بھی زور دیا ہے کہ وہ اپنی حفاظت کے بارے میں محتاط رہیں اور اپنی سرگرمیوں کو کم لوگوں کے ساتھ شیئر کریں۔ وزارت خارجہ کا ایسا فیصلہ ایک ایسے وقت میں سامنے آیا ہے جب خدشہ ظاہر کیا جا رہا ہے کہ اسرائیل اور حماس کے درمیان جاری جنگ میں ایران بھی شمولیت اختیا رکرسکتاہے۔

اسرائیل اور حماس کے درمیان جنگ جاری ہے۔ دریں اثنا، جمعہ (12 مارچ) کو مرکزی وزارت خارجہ کی طرف سے ایک ٹریول ایڈوائزری جاری کی گئی۔ اس میں ہندوستانیوں کو مشورہ دیا گیا ہے کہ وہ اگلے اطلاع تک ایران اور اسرائیل ممالک کا سفر کرنے سے گریز کریں۔ وزارت خارجہ نے سوشل میڈیا اکاؤنٹ ‘X’ پر ایک پوسٹ شیئر کرکے اس حوالے سے معلومات دی ہیں۔

اس ایڈوائزری میں وزارت خارجہ نے ان تمام ہندوستانیوں سے بھی اپیل کی ہے جو اس وقت ایران اور اسرائیل میں مقیم ہیں۔ ان ممالک میں رہنے والے تمام شہریوں کو مشورہ دیا گیا ہے کہ وہ فوری طور پر ہندوستانی سفارت خانے سے رابطہ کریں اور خود کو رجسٹر کرنے کے لیے بھی کہا گیا ہے۔