جموں کشمیر کے کولگام میں انکاؤنٹر: 3دہشت گردوں کو کیاگیا ہلاک ،تلاشی مہم جاری

جموں کشمیر کے کولگام میں انکاؤنٹر: 3دہشت گردوں کو کیاگیا ہلاک ،تلاشی مہم جاری

سری نگر: جموں و کشمیر کے کولگام ضلع میں انسداد دہشت گردی آپریشن جمعہ کو دوسرے دن بھی جاری رہا اور سیکورٹی فورسز نے دہشت گردوں کو فرار ہونے سے روکنے کے لئے علاقے میں گھیرا تنگ کیا اور تین دہشت گردوں کو مار گرایا۔ تینوں دہشت گرد لشکر طیبہ کے رکن تھے۔ حکام نے بتایا کہ کولگام کے نہاما علاقے کے سمنو میں جمعہ کی صبح فائرنگ کی گئی۔

حکام نے بتایا کہ سیکورٹی فورسز نے جمعرات کو کولگام کے نیہما گاؤں کو علاقے میں دہشت گردوں کی موجودگی کی اطلاع ملنے کے بعد گھیرے میں لے لیا اور تلاشی مہم شروع کی۔ حکام کا کہناہے کہ دہشت گردوں نے سیکورٹی فورسز پر فائرنگ کی جس کے بعد سرچ آپریشن انکاؤنٹر میں تبدیل ہوگیا۔ فوجی ذرائع نے کہا کہ جس جگہ پر دہشت گردوں کی موجودگی ریکارڈ کی گئی تھی اسے سیکورٹی فورسز نے گھیرے میں لے لیا ہے۔