وزیر اعظم مودی کا آج گوالیار دورہ، سندھیا اسکول کے یوم تاسیس میں ہوں گے مہمان خصوصی
وزیر اعظم مودی کا آج گوالیار دورہ، سندھیا اسکول کے یوم تاسیس میں ہوں گے مہمان خصوصی
گوالیار: وزیر اعظم نریندر مودی 21 اکتوبر کو گوالیار آئیں گے۔ وہ گوالیار قلعہ میں واقع سندھیا اسکول کے 125ویں یوم تاسیس کی تقریب کے مہمان خصوصی ہوں گے۔ ان کے ساتھ مرکزی وزیر جیوتی رادتیہ سندھیا، نریندر سنگھ تومر، گورنر منگو بھائی پٹیل اور اسکول کے پرانے اور نئے طلباء شامل ہوں گے۔ پی ایم مودی سندھیا اسکول میں تقریباً ڈیڑھ گھنٹہ قیام کریں گے۔
وزیر اعظم کی آمد کے لیے اسکول کو دلہن کی طرح سجایا گیا ہے۔ تقریب کا آغاز اسپیشل اسکریننگ فلم سے ہوگا۔ اس میں مہمان اسکول کی تاریخ سے لے کر حال تک سب کچھ جان سکیں گے۔ تقریب کے مہمان خصوصی وزیر اعظم نریندر مودی کی آمد پر سندھیا اسکول کا بینڈ ان کا استقبال کرے گا۔ پلے بیک سنگر نتن مکیش اور سندھیا اسکول کے سابق طالب علم میٹ برادرس بھی اس تقریب میں شرکت کریں گے۔
