نارتھ ایسٹ ٹرین کے پٹری سے اترنے سے پہلے ہوا تھا دھماکہ، جس کی آواز لوکو پائلٹ اور گیٹ مین نے سنی تھی

نارتھ ایسٹ ٹرین کے پٹری سے اترنے سے پہلے ہوا تھا دھماکہ، جس کی آواز لوکو پائلٹ اور گیٹ مین نے سنی تھی

کسر: بہار کے بکسر ضلع کے رگھوناتھ پور اسٹیشن کے قریب ایک بڑا ٹرین حادثہ پیش آیا۔ یہاں نارتھ ایسٹ ایکسپریس ٹرین کی 21 بوگیاں پٹری سے اتر گئیں۔ بوگیاں پٹری سے اترنے سے موقع پر افراتفری مچ گئی۔ اب اس ریلوے حادثے کے حوالے سے ایک بڑا اپ ڈیٹ سامنے آیا ہے۔ ذرائع کے مطابق پٹری سے اترنے سے پہلے لوکو پائلٹ اور گیٹ مین نے ایک زوردار دھماکے جیسی آواز سنی تھی۔ ایسے میں اس ریلوے حادثے میں بیرونی عناصر کے ملوث ہونے کا شبہ ظاہر کیا جا رہا ہے۔

ٹرین نمبر 12506 نارتھ ایسٹ ایکسپریس بدھ کی رات 9.35 بجے بہار کے دانا پور ریلوے ڈویژن کے رگھوناتھ پور ریلوے اسٹیشن کے قریب حادثے کا شکار ہوگئی۔ ٹرین کی 21 بوگیاں پٹری سے اتر گئیں۔ اس میں 4 افراد کی موت ہو گئی، جب کہ 70 سے زائد افراد زخمی ہوئے۔ واقعہ کی اطلاع ملتے ہی موقع پر راحت اور بچاؤ کا کام شروع کر دیا گیا۔ اس پر ریلوے کے وزیر اشونی وشنو نے کہا تھا کہ واقعہ کی وجہ جاننے کے لیے ایک کمیٹی بنائی جائے گی۔ اب لوکو پائلٹ اور گیٹ مین نے تیز آواز کے واقعے کی وجہ کی تصدیق کر دی ہے۔