مہاراشٹر میں ایک ہی خاندان کے پانچ افراد کو زہر دے کر ہلاک کر دیا گیا، دو ملزم خواتین گرفتار
مہاراشٹر میں ایک ہی خاندان کے پانچ افراد کو زہر دے کر ہلاک کر دیا گیا، دو ملزم خواتین گرفتار
گڈچرولی کے ایس پی نیلوتپل نے بتایا کہ یہ واقعہ گڈچرولی ضلع کی آہیری تحصیل کے مہاگاؤ گاؤں میں پیش آیا۔ یہاں گزشتہ دنوں شنکر پیرو کمبھارے اور ان کے خاندان کے چار افراد اچانک بیمار ہو گئے اور 20 دنوں کے اندر پانچوں کی موت ہو گئی۔
مہاراشٹر کے گڈچرولی میں ایک ہی خاندان کے پانچ افراد کو زہر دے کر ہلاک کر دیا گیا ہے۔ پولیس نے اس معاملے میں دو ملزم خواتین کو گرفتار کیا ہے۔ ملزم خواتین کی شناخت سنگھمترا کمبھارے اور روجا رام ٹیکے کے طور پر ہوئی ہے۔ پولیس کا کہنا ہے کہ متاثرہ خاندان کے پانچ افراد ایک ماہ کے دوران مشتبہ حالات میں ہلاک ہوئے تھے۔ پولیس کا کہنا ہے کہ خاندان کے افراد کو آبائی جائیداد کے تنازعہ اور دیگر تنازعات پر زہر دیا گیا۔
گڈچرولی کے ایس پی نیلوتپل نے بتایا کہ یہ واقعہ گڈچرولی ضلع کی آہیری تحصیل کے مہاگاؤ گاؤں میں پیش آیا۔ یہاں گزشتہ دنوں شنکر پیرو کمبھارے اور ان کے خاندان کے چار افراد اچانک بیمار ہو گئے اور 20 دنوں کے اندر پانچوں کی موت ہو گئی۔ اس سے قبل 20 ستمبر 2023 کو شنکر کمبھارے اور ان کی اہلیہ وجیا کمبھارے بیمار ہو گئے تھے اور انہیں اہری ہسپتال میں داخل کرایا گیا تھا۔ اس کے بعد انہیں بہتر علاج کے لیے ناگپور بھیج دیا گیا۔ جہاں شنکر کمبھارے کا انتقال 26 ستمبر کو ہوا اور وجئے کمبھارے اگلے دن یعنی 27 ستمبر کو انتقال کر گئے۔
