وزیر اعظم نریندر مودی نے سردار پٹیل کو یوم پیدائش پر پیش کی خراج عقیدت، اسٹیچو آف یونٹی پر لیا ملک سے اتحاد کا حلف
وزیر اعظم نریندر مودی نے سردار پٹیل کو یوم پیدائش پر پیش کی خراج عقیدت، اسٹیچو آف یونٹی پر لیا ملک سے اتحاد کا حلف
سردار پٹیل کی یوم پیدائش پر قومی اتحاد کے دن کے موقع پر پی ایم مودی نے کیواڑیہ میں اسٹیچو آف یونٹی (اتحاد کے مجسمے) پر ملک کو اتحاد کا حلف دلایا۔ جس میں موجود لوگوں نے ملک کے اتحاد، سالمیت اور سلامتی کے لیے کردار ادا کرنے کا عہد کیا۔
کیواڑیہ/گجرات: وزیر اعظم نریندر مودی گجرات کے 2 روزہ دورے پر ہیں۔ آج پی ایم مودی کیواڑیہ میں قومی اتحاد کے دن کے پروگرام میں حصہ لے رہے ہیں۔ پی ایم مودی نے سردار ولبھ بھائی پٹیل کو خراج عقیدت پیش کیا۔ وزیر اعظم قومی یوم اتحاد پریڈ دیکھ رہے ہیں، جس میں بارڈر سیکورٹی فورس (بی ایس ایف) اور ریاستی پولیس کے مختلف دستے حصہ لے رہے ہیں۔ وزیر اعظم کیواڑیہ میں 160 کروڑ روپے کے کئی ترقیاتی پروجیکٹوں کا افتتاح اور سنگ بنیاد رکھنے والے ہیں۔ پی ایم مودی نے پیر کو مہسانہ میں تقریباً 5800 کروڑ روپے کے ریل، سڑک، پینے کے پانی اور آبپاشی سے متعلق مختلف پروجیکٹوں کا افتتاح اور سنگ بنیاد رکھا۔
جن پروجیکٹوں کا افتتاح کیا جائے گا ان میں ایکتا نگر سے احمد آباد تک ہیریٹیج ٹرین، نرمدا آرتی لائیو کے لیے پروجیکٹ، کملم پارک، اسٹیچو آف یونٹی کمپلیکس کے اندر واک وے، 30 نئی ای بسیں، 210 ای سائیکلیں اور کئی گولف کارٹس شامل ہیں۔ ایکتا نگر میں سٹی گیس ڈسٹری بیوشن نیٹ ورک اور گجرات اسٹیٹ کوآپریٹو بینک کے ‘سہکار بھون’۔ اس کے علاوہ وزیر اعظم مودی کیواڑیہ میں سولر پینل کے ساتھ ٹراما سنٹر اور ایک سب ڈسٹرکٹ اسپتال کا بھی سنگ بنیاد رکھیں گے۔
