بہاربورڈ کےمیٹرک کے نتائج کااعلان، 82.91فیصدطلبہ کامیاب، ویشالی کی شازیہ پروین کوملاتیسرامقام
بہاربورڈ کےمیٹرک کے نتائج کااعلان، 82.91فیصدطلبہ کامیاب، ویشالی کی شازیہ پروین کوملاتیسرامقام
بہاربورڈ کے جاری کردہ نتائج میں ٹاپ ٹین میں 51 طلبہ شامل ہیں۔ اس میں پورنیہ کے شیونکر کمار 489 نمبروں کے ساتھ پہلے مقام پر ہیں۔ سمستی پور کے آدرش کمار 488 نمبروں کے ساتھ دوسرے نمبر پر ہیں۔ سمتلالہ رہائشی اسکول کے آدتیہ کمار، مدھوبنی کی سمن، ہسی پور ایکما کی پالک کماری، ویشالی کی شازیہ پروین نے تیسرا مقام حاصل کیا ہے۔
بہار اسکول ایگزامینیشن بورڈ کے چیئرمین آنند کشور نے اتوار کو دوپہر 1.30 بجے میٹرک امتحان 2024 کا نتیجہ جاری کیا۔ انہوں نے بتایا کہ اس بار بھی بہار بورڈ کا نتیجہ پورے ملک میں پہلے جاری ہوا ہے۔ اس بار امتحان میں شامل ہونے والے 16.91 لاکھ امیدواروں میں سے 13 لاکھ 79 ہزار 542 طلبہ کامیاب ہوئے ہیں ۔ اس بار کل نتیجہ 82.99 فیصد رہا۔ اس بار بہار بورڈ نے زیادہ سے زیادہ نمبروں کے ساتھ ٹاپ فائیو کی فہرست تیار کرکے جاری کی ہے۔ اس میں 489 نمبر حاصل کر کے پورانیہ کے ضلع اسکول کے طالب علم شیونکو کمار ریاستی ٹاپر بن گئے ہیں۔ انہیں ایک لیپ ٹاپ کے ساتھ ایک لاکھ روپے کی نقد رقم دی جائے گی۔
