ٹیم انڈیا کے 7 بلے باز صفر پر پویلین لوٹے، 11 گیندوں کے اندر گری 6 وکٹیں، گیند بازوں کا قہر
ٹیم انڈیا کے 7 بلے باز صفر پر پویلین لوٹے، 11 گیندوں کے اندر گری 6 وکٹیں، گیند بازوں کا قہر
جنوبی افریقہ میں ٹیسٹ سیریز کے لگاتار دوسرے میچ میں ٹیم انڈیا کی بلے بازی تاش کے پتوں کی طرح بکھر گئی۔ سنچورین ٹیسٹ میں اننگز سے شکست کے بعد کیپ ٹاؤن ٹیسٹ میں بھی بلے باز بڑا اسکور کرنے میں ناکام رہے۔
نئی دہلی : جنوبی افریقہ میں ٹیسٹ سیریز کے لگاتار دوسرے میچ میں ٹیم انڈیا کی بلے بازی تاش کے پتوں کی طرح بکھر گئی۔ سنچورین ٹیسٹ میں اننگز سے شکست کے بعد کیپ ٹاؤن ٹیسٹ میں بھی بلے باز بڑا اسکور کرنے میں ناکام رہے۔ صورتحال کچھ یوں تھی کہ پہلی اننگز میں ہندوستانی ٹیم کے 7 بلے باز بغیر کوئی رن بنائے پویلین لوٹ گئے۔ ٹیم انڈیا نے اپنی آخری 6 وکٹیں صرف 11 گیندوں میں گنوا دیں۔
جنوبی افریقہ کے خلاف ٹیسٹ سیریز کے آغاز سے قبل کپتان روہت شرما نے بڑا بیان دیا تھا۔ انہوں نے کہا تھا کہ وہ ایسی کامیابی حاصل کرنا چاہتے ہیں جو اس سے پہلے کسی ہندوستانی کپتان نے حاصل نہیں کی ہو۔ کوئی بھی ہندوستانی کپتان جنوبی افریقہ میں ٹیسٹ سیریز نہیں جیت سکا ہے۔ روہت شرما بھی اس میں ناکام رہے۔ ان کا یہ خواب سنچورین ٹیسٹ میں اننگز اور 32 رنز کی شکست سے چکنا چور ہو گیا تھا۔
