سوریا کمار یادو نے کہا- فائنل کی شکست کو بھولنے میں لگے گا وقت، میں ابھی جوان، لیکن
سوریا کمار یادو نے کہا- فائنل کی شکست کو بھولنے میں لگے گا وقت، میں ابھی جوان، لیکن
ندوستان اور آسٹریلیا کے درمیان 5 میچوں کی ٹی-20 سیریز کل یعنی 23 نومبر سے شروع ہو رہی ہے۔ اس سے قبل کپتان سوریہ کمار یادو نے ٹیم کی منصوبہ بندی اور نوجوان کھلاڑیوں کو لیکر کچھ خاص بات کہی ہے۔
ئی دہلی: سوریا کمار یادیو پہلی بار ٹی-20 انٹرنیشنل میں کپتانی کے لیے تیار ہیں۔ ہندوستان اور آسٹریلیا کے درمیان 5 میچوں کی ٹی ٹوئنٹی سیریز جمعرات 23 نومبر سے شروع ہو رہی ہے۔ سیریز کے لیے نوجوان کھلاڑیوں کو ٹیم میں جگہ دی گئی ہے۔ میچ سے قبل سوریا نے کہا کہ ورلڈ کپ 2023 کے فائنل میں شکست کو بھولنے میں وقت لگے گا لیکن ہم نے پورے ٹورنامنٹ میں اچھی کارکردگی کا مظاہرہ کیا۔ ٹی ٹوئنٹی ورلڈ کپ جون 2024 میں ہونا ہے۔ ایسے میں اب ہر سیریز اہم ہونے جا رہی ہے۔ ورلڈ کپ سے پہلے ہندوستانی ٹیم کو صرف 11 ٹی ٹوئنٹی انٹرنیشنل میچ کھیلنا ہیں۔ آسٹریلیا کے بعد اب جنوبی افریقہ اور افغانستان کے خلاف بھی ٹی ٹوئنٹی سیریز ہے۔
آسٹریلیا کے خلاف میچ سے قبل میڈیا سے گفتگو کرتے ہوئے سوریا کمار یادیو نے کہا کہ ہم نے ورلڈ کپ میں اچھی کارکردگی کا مظاہرہ کیا۔ لگاتار 10 میچ جیتے۔ روہت شرما نے بطور کپتان اور بلے باز کے طور پر بہترین کارکردگی کا مظاہرہ کیا۔ اس سے بہت کچھ سیکھنے کو ملا۔ شکست سے سنبھلنے میں وقت لگے گا۔ یہ ممکن نہیں ہے کہ آپ اگلی صبح اٹھیں اور جو کچھ ہوا اسے بھول جائیں۔ یہ ایک بڑا ٹورنامنٹ تھا۔ ہم اسے جیتنا پسند کرتے۔ آسٹریلیا کے خلاف سیریز کے لیے نوجوانوں کو موقع دینے کے سوال پر سوریا نے طنزیہ انداز میں کہا کہ میں بھی نوجوان ہوں۔ لیکن میں نے تمام کھلاڑیوں پر واضح کر دیا ہے کہ انہیں میدان میں بے لوث کھیلنا ہوگا۔
