منگلورو-25مئی(ایجنسی) دبئی جانے والی انڈیگو کی پرواز سے پرندہ ٹکرانے کے بعد طیارے کو رن وے سے موڑ دیا گیا- اس میں 160سے زائد مسافر سوار تھے جنہیں جہاز سے اتارنا پڑا- یہ واقعہ منگلورو انٹرنیشنل ایئرپورٹ (MIA)پر صبح 8:25بجے انڈیگو کی پرواز6E 1467 IXE-DXBپر پیش آیا- جب یہ واقعہ پیش آیا تو فلائٹ رن وے میں ہی گھس چکی تھی- اس واقعہ کی وجہ سے ایئرپورٹ پر کچھ دیر افراتفری مچ گئی- پائلٹ کی جانب سے ایئر ٹریفک کنٹرول(ATC) کو مطلع کرنے کے بعد، طیارہ ایئرپورٹ پر واپس چلا گیا جہاں پروازیں کھڑی تھیں - انہوں نے بتایا کہ تکنیکی ماہرین طیارے کا معائنہ کر رہے ہیں - اس کے بعد مسافروں کو بنگلورو سے انڈیگو کی ایک اور پرواز کے ذریعے دبئی بھیجا گیا- ذرائع نے بتایا کہ پرواز کو دبئی کیلئے ری شیڈول کیا گیا اور صبح11:05بجے ٹیک آف کیا گیا- اسی قسم کا ایک حادثہ اپریل میں نیپال میں پیش آیا تھا- فلائی دبئی کے طیارے کے ایک انجن میں پرندے سے ٹکرانے کے بعد آگ لگ گئی تھی- یہ واقعہ نیپال کے تری بھون بین الاقوامی ہوائی اڈے سے ٹیک آف کے بعد پیش آیا تھا- واقعے کے وقت طیارے میں 150سے زائد مسافر سوار تھے-