نئی دہلی۔ 23اپریل (آئی این ایس)آئی پی ایل 2023 کا 32 واں میچ رائل چیلنجرز بنگلور اور راجستھان رائلز کے درمیان چناسوامی اسٹیڈیم میں کھیلا گیا۔ اس میچ میں فاف ڈوپلیسی کی جگہ وراٹ کوہلی آر سی بی کی کپتانی کر رہے ہیں۔ سنجو سیمسن نے ٹاس جیت کر آر سی بی کو پہلے بلے بازی کی دعوت دی۔ کوہلی اور فاف ڈوپلیسی نے اننگز کا آغاز کیا۔ لیکن، میچ کی پہلی ہی گیند پر وکوہلی گولڈن ڈک کا شکار بن گئے۔ انہیں ٹرینٹ بولٹ نے ایل بی ڈبلیو کیا۔ یہ پہلا موقع ہے جب بولٹ نے کوہلی کو T20 میں آؤٹ کیا ہے۔ٹرینٹ بولٹ نے اس میچ سے پہلے کوہلی کو 53 گیندیں کروائی تھیں۔کوہلی نے 140 کے اسٹرائیک ریٹ سے 53 گیندوں میں 76 رنز بنائے۔ لیکن اس بار ایسا نہیں ہوا اور بولٹ کا کھاتہ کوہلی کے خلاف کھل گیا۔ یہ آئی پی ایل میں ان کی 100ویں وکٹ بھی ہے۔ بولٹ کی پہلی گیند اندر آئی اور سیدھی وراٹ کے پیڈ پر لگی۔ کوہلی اسٹمپ کی لائن پر تھے۔ ٹرینٹ بولٹ نے آئی پی ایل 2020 کے بعد کسی بھی آئی پی ایل میچ کے پہلے اوور میں سب سے زیادہ 21 وکٹیں حاصل کی ہیں۔ دوسرے نمبر پر موجود گیند باز کے کھاتے میں صرف 5 وکٹیں ہیں۔ کوہلی کو آؤٹ کرنے کے بعد بولٹ نے تیسرے نمبر پر بیٹنگ کے لیے آنے والے شہباز احمد کو بھی اپنا شکار بنایا۔ جس گیند پر بولٹ نے شہباز احمد کو آؤٹ کیا وہ شارٹ تھی۔ اس پر انہوں نے پل شاٹ کھیلنے کی کوشش کی۔ لیکن، شارٹ مڈ وکٹ پر کیچ آؤٹ ہو گئے۔کہا جاتاہے کہ گرین جرسی کوہلی کے لیے نیک فال ثابت نہیں ہورہی ہے۔ پچھلے سیزن میں بھی جب وہ گرین جرسی پہن کر آر سی بی کیلئے میدان میں آئے تھے تو میچ کی پہلی گیند پر آؤٹ ہو گئے تھے-