ہاسن:28جنوری(سالارنیوز)ہاسن میونسپل کونسل کی طرف سے لائے گئے لاکھوں روپے کے تھری وہیلر خصوصی ضروریات کے مستحقین میں اب تک تقسیم نہیں کئے گئے۔ قیمتی تھری وہیلر بارش میں بھیگے، دھوپ میں سوکھے، گرد آلود اور زنگ آلودہوگئے۔ معیار کے بارے میں بھی شکایات سنی گئی ہیں۔ دریں اثنا، الیکٹرک گاڑیوں کی مانگ بڑھ رہی ہے۔کیونکہ پٹرول کی قیمت میں اضافہ ہورہا ہے اس لیے مستحقین،الیکٹرک گاڑیا ں فراہم کرنے کی بات کررہے ہیں۔میونسپل کونسل، ویمن اینڈ چائلڈ ویلفیئر ڈپارٹمنٹ 75 فیصد معذوروں کی شناخت کر کے انہیں تین پہیہ گاڑیاں دے رہا ہے۔ سٹی کونسل کی طرف سے ایسی نیک نیتی کے ساتھ لائی گئی گاڑیاں شہر کے مہاراجہ گارڈن میں گزشتہ سات آٹھ ماہ سے مٹی کی نذرہورہی ہیں۔ میونسپل کونسل نے تھری وہیلر کی تقسیم کیلئے درخواستیں طلب کی ہیں، اور 10 گاڑیوں کیلئے 20 درخواستیں موصول ہوئی ہیں۔ اس پر نظر ثانی کر کے دس لوگوں میں تقسیم کرنا ہے۔ کیونکہ اس کام کوکرنے کیلئے ٹال مٹول کارویہ اپنایاجارہاہے، اس لیے فائدہ اٹھانے والوں کے ہاتھ گاڑیاں نہیں پہنچ رہی ہیں۔یہ ایک ستم ظریفی ہے کہ میونسپل کونسل کی جانب سے معذور افراد کو تھری وہیلر کی تقسیم کیلئے تقریب کے بعد منظوری حاصل کرنے کیلئے جو دلچسپی دکھائی گئی تھی وہ اہل مستحقین میں تقسیم کرنے میں نہیں دکھائی گئی، ان گاڑیوں کو چند دنوں کے اندر مستحقین میں تقسیم کر دیا جائے تو ہمیں اسے طویل عرصے تک استعمال کرنے کا فائدہ ہوگاورنہ نہیں ہوگا۔