اسلام آباد-28جنوری(ایجنسی)پاکستان کے سابق وزیر اعظم عمران خان نے دعویٰ کیا ہے کہ ان کے قتل کیلئے ایک نیا منصوبہ تیار کیا گیا تھا- انھوں نے پاکستان پیپلز پارٹی (پی پی پی)کے شریک صدر آصف علی زردار پر ایک کلیدی سازشی ہونے کا الزام عائد کیا ہے- ایکسپریس ٹریبیون کی رپورٹ کے مطابق پاکستان تحریک انصاف (پی ٹی آئی)صدر نے مبینہ سازش کو پلان-سی قرار دیا- اس کیلئے انھوں نے زرداری پر قتل کی کوشش کو انجام دینے کیلئے ایک دہشت گرد تنظیم کو پیسے دینے کا الزام لگایا-عمران خان نے الزام عائد کیا کہ اب انھوں نے پلان سی بنایا ہے اور اس کے پیچھے آصف زرداری ہیں - ان کے پاس بدعنوانی کا بہت پیسہ ہے، جسے وہ سندھ حکومت سے لوٹتے ہیں اور انتخاب جیتنے پر خرچ کرتے ہیں - انھوں (زرداری) نے ایک دہشت گرد تنظیم کو پیسہ دیا ہے اور طاقتور ایجنسیوں کے لوگ ان کی مدد کر رہے ہیں - ان کا کہنا ہے کہ یہ تین محاذ پر طے کیا گیا ہے اور وہ جلد ہی کارروائی کریں گے- میں آپ کو یہ اس لیے کہہ رہا ہوں کیونکہ اگر مجھے کچھ ہوتا ہے تو ملک کو ان لوگوں کو جاننا چاہیے جو اس کے پیچھے تھے، تاکہ ملک انھیں معاف نہ کرے-گزشتہ سال نومبر میں وزیر آباد میں اپنے اوپر ہوئے حملے کا تذکرہ کرتے ہوئے عمران خان نے دعویٰ کیا کہ مذہبی شورش پسندی کے نام پر پلان بی کے تحت انھیں مارنے کی سازش تیار کی گئی تھی-
دی ایکسپریس ٹریبیون نے سابق وزیر اعظم کے حوالے سے کہا کہ وہ مجھے مارنے کے منصوبہ میں تقریباً کامیاب ہو گئے تھے، لیکن اب وہ پلان سی کی طرف بڑھ رہے ہیں - ان کا کہنا ہے کہ پہلے چار لوگ تھے جنھوں نے بند کمرے میں مجھے مارنے کی سازش تیار کی- وہ کہتے ہیں کہ جب مجھے سازش کے بارے میں پتہ چلا تو میں نے ایک ویڈیو بنائی اور اسے بیرون ملک بھیج دیا اور ایک جلسہ عام میں اعلان کیا کہ اگر کچھ ہوتا ہے تو ویڈیو جاری کر دیا جائے گا-