تمام انتخابات کیلئے ایک ووٹر لسٹ بنائی جائے:سونکر

RushdaInfotech December 17th 2022 urdu-news-paper
تمام انتخابات کیلئے ایک ووٹر لسٹ بنائی جائے:سونکر

نئی دہلی:16 دسمبر (یو این آئی) لوک سبھا میں جمعہ کو تمام انتخابات کیلئے ایک ووٹر لسٹ تیار کرنے کا مطالبہ کیا گیا اور کہا گیا کہ اس سے لوگوں میں الجھن نہیں بڑھے گی اور الیکشن کمیشن کی شبیہ بھی مضبوط ہوگی۔بھارتیہ جنتا پارٹی کے ونود کمار سونکر نے رول 377 کے تحت لوک سبھا میں یہ مسئلہ اٹھایا اور کہا کہ پورے ملک میں اسمبلی انتخابات، لوک سبھا انتخابات، کونسلر انتخابات اور گاؤں کے سربراہ وغیرہ کیلئے الگ ووٹر لسٹیں ہیں۔ اس کی وجہ سے آسانی سے کنفیوڑن پھیل جاتی ہے اور اس سے الیکشن کمیشن کی شبیہ بھی داغدار ہوسکتی ہے۔حکومت کو اس طرح مختلف انتخابات کیلئے ووٹر لسٹیں تیار کرنے میں بھی دشواری کا سامنا کرنا پڑتا ہے اور پیسہ اور وقت ضائع ہوتا ہے۔ جب انتخابات ایک ہی طریقے سے ہوں گے تو مختلف انتخابات کیلئے الگ الگ ووٹر لسٹ تیار کرنے کی ضرورت نہیں ہونی چاہیے۔مسٹر سونکر نے ملک میں 'ایک قوم ایک ووٹر لسٹ' کی ضرورت پر زور دیا اور کہا کہ الیکشن کمیشن کو سب کی سہولت کیلئے اس سمت میں قدم اٹھانا چاہیے۔ جس طرح راشن کارڈ کا بندوبست کیا جا رہا ہے، اسی طرح ووٹر لسٹ بنایا جانا بھی ضروری ہے۔


Recent Post

Popular Links