اقوام متحدہ کے ہیڈکوارٹر میں مہاتما گاندھی کے مجسمے کی تنصیب ہر ہندوستانی کیلئے فخر کی بات:مودی

RushdaInfotech December 17th 2022 urdu-news-paper
اقوام متحدہ کے ہیڈکوارٹر میں   مہاتما گاندھی کے مجسمے کی تنصیب ہر ہندوستانی کیلئے فخر کی بات:مودی

نئی دہلی:15 دسمبر (یو این آئی) وزیر اعظم نریندر مودی نے نیویارک شہر میں اقوام متحدہ کے ہیڈکوارٹر میں مہاتما گاندھی کے مجسمے کی تنصیب پر خوشی کا اظہار کرتے ہوئے کہا کہ یہ ہر ہندوستانی کیلئے فخر کی بات ہے۔انہوں نے کہا ہے کہ گاندھی جی کے خیالات اور مشورے زمین کو مزید خوشحال بنانے اور دنیا کیلئے زیادہ صحت مند ترقی کی سمت میں مددگار ثابت ہو سکتے ہیں۔جمعرات کو ایک ٹویٹ میں، وزیر اعظم مودی نے کہا کہ ہر ہندوستانی کو اقوام متحدہ کے ہیڈکوارٹر میں مہاتما گاندھی کا مجسمہ دیکھ کر فخر ہے۔ تمنا کی کہ گاندھی کے خیالات اور مشورے ہماری زمین کومزید خوشحال اور دنیا کیلئے ترقی کو اور زیادہ صحت مند بنائیں۔ مسٹر مودی نے مجسمے کی نقاب کشائی کی تقریب میں لی گئی تصویر کے ساتھ یہ ٹویٹ بھی کیا ہے، جس میں اقوام متحدہ کے سکریٹری جنرل انتونیو گوٹیرس، وزیر خارجہ ڈاکٹر ایس جے شنکر اور اقوام متحدہ میں ہندوستان کی مستقل سفیر روچیرا کمبوج بھی موجود ہیں۔ ہندوستان نے مہاتما گاندھی کا یہ مجسمہ اقوام متحدہ کو تحفے میں دیا ہے۔وزیر خارجہ جے شنکر اور اقوام متحدہ کے سکریٹری جنرل گوٹیرس نے بدھ کو اقوام متحدہ کے ہیڈکوارٹر کے نارتھ گارڈن میں منعقدہ ایک سادہ تقریب میں مجسمے کی نقاب کشائی کی۔


Recent Post

Popular Links