بھارت جوڑو یاترا کے 100دن مکمل

RushdaInfotech December 17th 2022 urdu-news-paper
بھارت جوڑو یاترا کے 100دن مکمل

نئی دہلی:16دسمبر(ایجنسی) انڈین نیشنل کانگریس کی بھارت جوڑو یاترا کے آج 100 دن مکمل ہو گئے ہیں۔ اس یاترا کے دوران راہل گاندھی نے 2800 کلومیٹر سے زیادہ کا فاصلہ طے کیا ہے۔ بھارت جوڑو یاترا اب تک ملک کی 7ریاستوں سے گزر چکی ہے۔ ان میں تمل ناڈو، کیرلا، کرناٹک، آندھرا پردیش، تلنگانہ، مہاراشٹرا، مدھیہ پردیش شامل ہیں۔ بھارت جوڑو یاترا اس وقت راجستھان میں ہے۔خیال رہے کہ اب تک بھارت جوڑو یاترا میں ملک کی کئی مشہور شخصیات شرکت کر چکی ہیں۔ راہل گاندھی کی بھارت جوڑو یاترا میں امول پالیکر، کنال کامرا، سوارا بھاسکر، پوجا بھٹ اور ریا سین جیسے فلمی ستاروں نے بھی شرکت کی ہے۔ جبکہ حال ہی میں سابق گورنر رگھورام راجن بھی راہل گاندھی کے ساتھ بھارت جوڑو یاترا میں مارچ کرتے ہوئے نظر آئے تھے۔


Recent Post

Popular Links