راہل گاندھی کا وزیر خارجہ کو مشورہ، کہا:”اپنی سمجھ میں اضافہ کریں“ چین جنگ کی تیاری میں مصروف،مودی حکومت خواب خرگوش میں مست

RushdaInfotech December 17th 2022 urdu-news-paper
راہل گاندھی کا وزیر خارجہ کو مشورہ، کہا:”اپنی سمجھ میں اضافہ کریں“ چین جنگ کی تیاری میں مصروف،مودی حکومت خواب خرگوش میں مست

نئی دہلی:16دسمبر (ایجنسی)بھارت جوڑو یاترا کے 100دن مکمل ہونے پر میڈیا سے بات کرتے ہوئے راہل گاندھی نے چین کے معاملے پر وزیر خارجہ کو مشورہ دیا۔ جے پور میں انہوں نے کہا ہے کہ وزیر خارجہ جے شنکر کو اپنی سوچ اور سمجھ کو وسیع کرنا چاہئے۔مودی حکومت خواب خرگوش میں مست ہے اور چین جنگ کی تیاری کر رہا ہے۔انہوں نے کہاکہ حکومت ہند اسٹریٹجک طریقے سے کام نہیں کرتی، یہ ایک واقعہ کی بنیاد پر کام کرتی ہے۔ جب بات سیاست کی ہو تو وہاں واقعات کام نہیں کرتے، طاقت کام کرتی ہے۔راہل گاندھی نے یہ بھی کہا کہ چین پر کوئی سوال نہیں پوچھ رہا ہے۔ چین نے 2ہزار مربع کلومیٹر زمین پر قبضہ کر لیا۔وہ اروناچل پردیش میں ہمارے جوانوں کو مار رہے ہیں۔کانگریس میں گروپ بندی پرراہل گاندھی نے کہا کہ ہماری پارٹی میں کوئی آمریت نہیں ہے۔ کانگریس میں بیان بازی اور کم بحث ہے، جو اچھی بات ہے۔ نہ صرف راجستھان میں بلکہ دیگر ریاستوں میں بھی اس کا رواج ہے۔ ہمارا خیال ہے کہ پارٹی کو زیادہ نقصان نہیں ہونا چاہیے، نقصان ہوا تو ایکشن لیتے ہیں۔ راہل گاندھی نے کہا کہ بی جے پی کے انتخابات جیتنے کی بہت سی وجوہات ہیں۔ ان کے پاس بہت پیسہ ہے، وہ لوگوں کو دھمکیاں دیتے ہیں۔ ہم ایسا نہیں کرتے اور ہمارے پاس یہ وسائل نہیں ہیں۔ ہمارے پاس اتنے پیسے نہیں ہیں۔ بی جے پی کے اقتدار میں آنے کی ایک اور وجہ یہ ہے کہ وہ نفرت پھیلاتے ہیں، ملک کو تقسیم کرتے ہیں۔انہوں نے کہاکہ علاقائی جماعتوں کے پاس ملک کا ویژن نہیں ہے۔ علاقائی پارٹیاں ذات، طبقے، ریاست کی نمائندگی کرتی ہیں۔راہل گاندھی نے کہا کہ بھارت جوڑویاتراسے انہیں ذاتی طور پر کافی فائدہ ہوا ہے۔ بہت کچھ سیکھنے کو ملا۔ عوام سے میری بھی تھوڑی دوری تھی، وہ ختم ہوگئی۔ سڑک پر جو کچھ نظر آتا ہے وہ اس سے بالکل مختلف ہوتا ہے جو چلتے ہوئے دیکھا جاتا ہے۔


Recent Post

Popular Links