بی جے پی کو خیر باد کہہ کر کانگریس میں شامل ہونے سندیش ناگراج کا فیصلہ

RushdaInfotech December 14th 2022 urdu-news-paper
بی جے پی کو خیر باد کہہ کر کانگریس میں شامل ہونے سندیش ناگراج کا فیصلہ

میسورو۔13دسمبر (سالارنیوز) سابق رکن کونسل سندیش ناگراج نے بتایا کہ انہو ں نے بی جے پی کو خیر باد کہہ کر کانگریس میں شامل ہونے کا فیصلہ کیا ہے۔ یہاں اخباری نمائندوں سے بات کرتے ہوئے سندیش ناگراج نے یہ جانکاری دی اور کہا کہ بی جے پی رہنماؤں نے انہیں پارٹی میں شامل کرنے کے بعد ان کے ساتھ نا انصافی کی ہے اور وہ نا انصافی کے ماہر ہیں۔ انہو ں نے بتایا کہ کانگریس میں شامل ہونے کے تعلق سے اپوزیشن لیڈر سدارامیا کے ساتھ تبادلہ ئ خیال کیا ہے اور جلد ہی کے پی سی سی صدر ڈی کے شیوکمار سے ملاقات کریں گے۔ انہو ں نے کہا کہ سابق وزیر اعلیٰ بی ایس ایڈی یورپا کو بہتر سلوک کی آڑ میں بی جے پی نے ختم کیا جس کی وجہ سے بی جے پی کو 40سیٹوں کا نقصان ہوگا اور اب ان کے فرزند وجیندرا کو ورونا اسمبلی حلقہ سے مقابلہ کرواتے ہوئے ختم کرنا چاہتے ہیں۔ ناگراج نے بتایا کہ بی جے پی کے ناقص انتظامیہ سے تنگ 10سے زیادہ وزراء جلد ہی کانگریس میں شامل ہوں گے۔


Recent Post

Popular Links