اداکار چیتن کے خلاف ایف آئی آر منسوخ کرانے سے عدالت کا انکار

RushdaInfotech December 11th 2022 urdu-news-paper
اداکار چیتن کے خلاف ایف آئی آر  منسوخ کرانے سے عدالت کا انکار

بنگلور۔10دسمبر (سالار نیوز) ریاستی ہائی کورٹ نے سماجی کارکن اور فلم اداکار چیتن اے کمار کے خلاف فرسٹ انفرمیشن رپورٹ (ایف آئی آر) منسوخ کرنے سے انکار کر دیا ہے۔ فلم ”کانتارا“ میں ایک قبائیلی دیو کی ایک ٹویٹ میں توہین کی وجہ سے شیشادری پورم پولیس تھانے میں شکایت درج کروائی گئی تھی۔ چیتن کی عرضی کو مسترد کرتے ہوئے جسٹس ایم آئی ارون نے کہا”عرضی دار کے خلاف ایسی شکایت درج کروائی گئی ہے جس میں تعزیرات ہند کی(آئی پی سی) دفعہ 505(2) (مذہبی جذبات کو ٹھیس پہنچانا) کے تحت مقدمہ ہو سکتا ہے۔ اس نے جو بیان دیا ہے وہ آئی پی سی کی دفعہ کے تحت آتا ہے یانہیں، اس کی تحقیق کی جا سکتی ہے۔“ شیو کمار نامی فرد کی جانب سے درج شکایت کو چیلنج کرتے ہوئے اداکار نے کہا ہے کہ انہوں نے ایسا کوئی بیان نہیں دیا جس سے سماج میں نفرت، دشمنی اور برائی پیدا ہو۔ انہوں نے صرف اس قبائلی دیو کی پوجا پر اپنی رائے ظاہر کی تھی جو ہندو مذہب کا حصہ نہیں ہے۔ ان کا دعویٰ ہے کہ یہ ایک عام سا بیان ہے۔ لہٰذا یہ ایسا کوئی جرم نہیں ہے جو تعزیرات ہند کی دفعہ 505(2)کے تحت آتا ہو۔


Recent Post

Popular Links