بی عبد ا لسلام فیض ؔ میموریل رولنگ شیلڈ پر آئی ٹی آئی ودھیامندر کا قبضہ مباحثوں میں حصہ لینا ہی بہت بڑی کامیابی: ایشودماّ

RushdaInfotech December 9th 2022 urdu-news-paper
بی عبد ا لسلام فیض ؔ میموریل رولنگ شیلڈ پر آئی ٹی آئی ودھیامندر کا قبضہ مباحثوں میں حصہ لینا ہی بہت بڑی کامیابی: ایشودماّ

بنگلورو۔8 دسمبر(راست) بنگلور ساؤتھ ویلفیر ٹرسٹ بنگلور کے ٹرسٹی مر حوم بی عبدا لسلام فیضؔ کی خدمت کو یاد رکھنے کی غرض سے ہلال ہائیر پرائمری انگلش اسکول درگاہ محلہ وجنا پورہ بنگلور 16 میں ہر سال کی طرح امسال بھی بی عبد السلام فیضؔ میمو ریل رولنگ شیلڈ انٹر ہائیر پرائمری اسکولس کنڑا مباحثہ بعنوان”اَنتر جالا متھواگی بلسسا بیکو“ کے فوائد و نقصانات کیا ہیں کا انعقاد عمل میں آیا۔جملہ 14 پرائمری اسکولس سے 28 طلبا و طالبات نے اس مباحثے میں حصہ لیا۔ منصفین نے اس مباحثے میں پہلا انعام امتہ ا لفاطمہ ہلال انگلش ہائیر پرائمری اسکول کی طالبہ، دوسرا انعام انو شری ایم ہیچ آئی ٹی آئی ودھیا مندر بنگلور کی طالبہ، تیسرا انعام اُم کلثوم بی ای ٹی بسم اللہ نگر اور ترغیبی انعام کمارا ہیمنت ایم آٹی ٹی آئی ودھیا مندر کے طالب علم کو مستحق قرار دیا۔ بی عبدا لسلام فیضؔ میموریل رولنگ شیلڈ آئی ٹی آٹی ودھیا مندر ہائیر پرائمری نے جیتا۔ شرکا ئے مباحثہ کو اسناد اور میڈلس بھی تقسیم کئے گئے۔ حکم کے فرائض سرینیواس، کولپّا اور ابنی منجو ناتھ نے انجام دئیے۔ مباحثہ کے مہمان ِخصوصی بی ای او ساؤتھ رینج 4بنگلور فور کلسٹر کی سی آر پی ایشو دماّنے طلبا و طالبات سے خطاب کرتے ہوئے کہا کہ ہمارے اس کلسٹر میں بہت سے اسکولس ہیں،طلبا و طالبات کو چاہئے کہ وہ اس طرح کے مباحثوں میں کثیر تعداد میں شریک ہوں۔ انہوں نے کہا کہ مباحثوں میں شرکت کرنے سے طلبا و طالبات کو تقاریر کرنے اور ہمت و جذبہ حاصل کرنے کا سنہری موقع ملتا ہے۔جس سے وہ اچھے مقرر بن سکتے ہیں۔ مباحثے میں کامیابی اور نا کامی اہم نہیں ہے بلکہ ایسے مباحثوں میں حصہ لینا ہی بہت بڑی کامیابی ہے۔مصفین نے بھی اپنے تاثرات پیش کئے۔ اس کنڑا مباحثہ کی نظامت کنڑا معلم نارائن راؤنے کی۔ مباحثے کے آغازچھٹی جماعت کے طالب علم روشن کی قرأت سے ہوا۔مباحثہ کی صدارت اے ایم محمد نیازاللہ ہلال اسکولس کے ڈائرکٹر نے کی۔مباحثے کی شرائط اور انعامات کا اعلان ہلال انگلش ہائی اسکول کی کنڑا معلمہ وجیا لکشمی نے کیا۔اس مباحثے میں ہلال کامپوزٹ پی یو کالج کی پرنسپل نور سلمیٰ تسنیم، اڈمنسٹریٹیو آفیسر عبدالمالک، ہلال اردو ہائیر پرائمری اسکول کی میر معلمہ شمیم تاج، جبین تاج، دیگر اساتذہ، مبارک،سمیع اللہ اور کثیر تعداد میں طلبا و طالبات شریک رہے۔ منصفین اور مہمان خصوصی کی شال پوشی اور ہلال اسکولس کے پی ٹی ٹیچرسومپّاکے شکریہ پر جلسہ کا اختتام ہوا۔


Recent Post

Popular Links