مسجد طٰہٰ میں تفسیر قرآن مجید
بنگلور۔ (راست) مسجد طٰہٰ ڈی جے ہلی میں تفسیر کلام پاک کا بابرکت سلسلہ ہر جمعہ بعد نماز عشاء جاری ہے۔ جس میں مولانا عرفان احمد رشادی، بانی ومہتمم مدرسہ صفۃ النور بنگلور عام فہم انداز میں تفسیر کریں گے۔ برادران اسلام سے اس مجلس میں شرکت کی درخواست ہے۔(محمد افسر،صدر)
مودی مسجد میں درس حدیث
بنگلورو۔(راست) گذشتہ چند سالوں سے تسلسل کے ساتھ مودی مسجد ٹاسکر ٹاؤن، شیواجی نگر بنگلور میں ہر جمعہ بعد نماز عشاء مولانا حافظ محمد فرید الدین عمری مدنی، ناظم مدرسہ رحمانیہ عربیہ کمبی پور اپنے عام فہم انداز میں درس حدیث دے رہے ہیں اور حالات حاضرہ کے دینی مسائل پر بیان کررہے ہیں۔تمام سے اس بابرکت مجلس میں شرکت فرما کر استفادہ کی گزارش ہے۔ خواتین کے لئے پردہ کا نظم ہے۔ (مجلس منتظمہ۔ مودی مسجد)
مجلس تفسیر قرآن کریم
بنگلور۔ (راست)مؤرخہ4نومبر بروز جمعہ بعد نماز عشاء مسجد مرکز المعارف منہاج نگر بنگلور میں تفسیر قرآن کریم کی بابرکت مجلس منعقد ہے، جس میں مفسر قرآن مولانا محمد ادریس القاسمی (خطیب مسجد بیوپاریاں شیواجی نگر بنگلور) تفسیر بیان کریں گے۔تمام برادران اسلام سے شرکت کی گزارش کی جاتی ہے۔(ادارہئ قرآن سنٹر،بنگلور)
محمد علی ہال میں تفسیر قرآن کریم
بنگلورو۔ (راست)یجمان محمد علی ہال، معسکر بنگلور میں تفسیر قرآن کے درس کا سلسلہ تقریباً 70 سالوں سے چل رہا ہے۔ہر جمعہ شب کے ساڑھے نو بجے سے تفسیر شروع ہوتی ہے۔ مفتی محمد اسلام انجم خطیب وامام مسجد لبابین، کمرشیل اسٹریٹ تفسیر بیان کررہے ہیں۔ تمام حضرات سے شرکت کی گزارش ہے۔ خواتین کے لئے پردہ کا بہترین انتظام ہے۔(ادارہئ تفسیر قرآن عظیم)
مجلس تفسیر قرآن کریم
بنگلورو۔(راست)مسجد عرفات،دیو سندرہ، کے آر پورم، بنگلور میں ہر جمعہ بعد نماز مغرب مولانا مفتی محمد زکریاصاحب قاسمی صدر مفتی دارالافتاء مجلس تحقیق بنگلور عام فہم انداز میں تفسیر قرآن کریم بیان فرمارہے ہیں،جس میں امت کا ایک بہت بڑا طبقہ قرآنی علوم سے فیضیاب ہو رہا ہے۔آپ حضرات سے بھی شرکت کی درخواست ہے۔
(کمیٹی مسجد عرفات،دیو سندرہ، کے آر پورم، بنگلور)
سنی جامع مسجد بارلین میں محفل ذکر
بنگلورو۔(راست)مؤرخہ4نومبر بروز جمعہ شب کے 9بجے بمقام سنی جامع مسجد بارلین، میسور روڈ بنگلور مولانا احمد اللہ خان مظہر صدیقیؒ کے فرزند امین اللہ خان قادری کی سرپرستی میں محفل ذکر منعقد ہے۔ برادران اسلام سے گزارش ہے کہ اس محفل میں مع دوست واحباب شرکت فرما کر سعادتوں سے مالامال ہوں۔
(مجلس منتظمہ سنی جامع مسجد بارلین ودرگاہ حضرت خواجہ نظر اولیاءؒ، میسور روڈ بنگلور)
مسجد حضرت سیدہ سیدانی بیؒ میں محفل ذکر
بنگلورو۔(راست) مسجد حضرت سیدہ سیدانی بی بیؒ سرمرزا اسماعیل چوک، روبرو سٹی مارکیٹ بنگلور میں ہر جمعہ بعد نماز عصر محفل ذکر منعقد ہے۔ جس میں مولانا الشاہ سید محمد مدنی میاں اشرفی الجیلانی کے خلیفہ مولانا الشاہ سید محمد معین الدین اصدق اشرفی، خطیب وامام مسجد حضرت سیدہ سیدانی بی بیؒ ذکر فرمائیں گے۔ ذکر کی محفل کے بعد دعا ہوگی اور تمام حاضرین میں شیرینی تقسیم کی جائے گی۔ تمام اہل سلاسل سے پُر خلوص گزارش ہے کہ اس نورانی محفل میں مع دوست واحباب شرکت فرما کر سعادتوں سے مالا مال ہوں۔
جشن رسول اعظم (ﷺ) وغوث اعظم ؒ
ہوسکوٹے۔(راست) جامع مسجد اہل سنت وجماعت،نند گوڈی کے زیر اہتمام بتاریخ4 نومبر2022ء بروز جمعہ بعد نماز عشا ء بمقام جامع مسجد اہل سنت وجماعت،نند گوڈی،ہوسکوٹے تعلقہ،جشن رسول اعظم (ﷺ) وغوث اعظم ؓانعقاد عمل میں آرہا ہے۔جس میں مفتی فیضان رضا جمالیؔ مصباحیؔ،شیخ الحدیث دارالعلوم غریب نواز یوپی کا خصوصی خطاب ہوگا۔مستورات کے لئے پردے کا انتظام رہے گا۔بعد مغرب ضیافت عام ہوگی۔ بعد نماز جمعہ جامع مسجد سے بڑے ہی آداب کے ساتھ جلوس محمدی (ﷺ) نکل کر گاؤں میں گشت کرتا ہوا واپس مسجد کے پاس پہنچے گا۔لہٰذا تمام حضرات سے شرکت کی گزارش ہے۔(اراکین جامع مسجد اہل سنت وجماعت،نند گوڈی)
مکہ مسجد میں تفسیر قرآن کریم
بنگلورو۔ (راست)مکہ مسجد،نیلسندرا،بنگلور میں ہر جمعہ بعد نماز عشاء مولانا ڈاکٹر عبدالخالق قرآن مجید کی تفسیر بیان کریں گے۔ مستورات کیلئے پردہ کا نظم ہے۔تمام سے استفادہ کی گزارش ہے۔ (خالد سرور،سکریٹری)
آج مرکزاہل سنت میں زیارت آثارمبارکہ
بنگلورو۔(راست) بتاریخ4نومبربروز جمعہ بعدنمازجمعہ مرکزی مسجد بلال جامعہ حضرت بلال ٹیانری روڈ بنگلورمیں سیدنا غوث اعظم جیلانیؒ کے آثار مبارکہ کی زیارت کرائی جائے گی-لہٰذا تمام عاشقان غوث اعظمؒ سے گذارش ہے کہ تشریف لاکر فیوض وبرکات حاصل کریں۔ (محمد ذوالفقار رضا نوری)
آج مسجد رسول اللہ ؐ میں ماہانہ محفل دُرودوختم قادریہ شریف
بنگلورو۔(راست) نوری فاؤنڈیشن بنگلور کے زیراہتمام مسجدرسول اللہؐ یم کراس نیوگروپن پالیہ بنگلور میں 4نومبر بروز جمعہ بعد نماز عشاء ماہانہ محفل درود و ختم قادریہ شریف کی مبارک محفل منعقد کی گئی ہے اور ہر عیسوی مہینہ کی پہلی جمعہ بلاناغہ محفل درود و ختم قادریہ شریف کاانعقاد ہوتا ہے اور محفل کے اختتام پر لنگر غوث اعظم کا بھی اہتمام کیا گیا ہے۔تمام برادرانِ اسلام سے کثیر تعدادمیں شرکت کی درخواست ہے۔ (نوری فاؤنڈیشن بنگلور)
درگاہ حضرت سید صفدر علی شاہ ؒ میں
جشن گیارھویں شریف و زیارت آثار مقدسہ کا اہتمام
بنگلورو۔(راست) بروز جمعہ بتاریخ4نومبربوقت بعد نماز عصرتارات 10-30بجے بمقام درگاہ حضرت سید صفدر علی شاہ قادری بغدادی ؒ و حضرت سید شمشیر علی شاہ قادریؒ و درگاہ حضرت کاس کے پیر ؒ، ٹیپو سلطان پیالیس روڈ، رائن سرکل، چامراج پیٹ جشن گیارھویں شریف کے موقع پر زیارت آثار مقدسہ حضور پاکؐ، حضرت علی ؓ، حضرت امام حسنؓ و حضرت امام حسینؓ، حضرت سیدنا غوث اعظم دستگیرؒ تقریباً25 تبرکات مقدسہ کی زیارت کرائی جارہی ہے۔ مولانا قاری صوفی ولی با قادری، متولی و سجادہ نشین، فاتحہ خوانی و دعاء فرمائیں گے۔ خطبہ جمعہ میں زیارت موئے مبارک و آثار مقدسہ کی فضیلت و حرمت بیان کی جائے گی، یہ کارروائی دونوں درگاہ شریف وقف بورڈ ادارے کے صدر رحمت اللہ شریف،سکریٹری علیم مدنی، مجلس منتظمہ و اراکین کمیٹی کی زیر نگرانی ادا کی جائے گی۔ خواتین کیلئے پردے کا اہتمام کیا گیا ہے۔(عبدالعلیم مدنی،سکریٹری)
جشن میلاد النبی ؐ
بنگلورو۔(راست)بروز جمعہ 4نومبر بعد نماز مغرب جشن میلاد النبیؐ بمقام نیو کامپلکس،ا یس کے آر مارکیٹ، بنگلورسٹی منایا جارہا ہے۔مقر رخصوسی مفسر قرآن مولانا پیرزادہ سید محمد رضاء الحق علیمی شاہ آمری الحسنی الحسینی جعفری الجیلانی چشتی القادری اپنے مخصوص انداز میں بیان کریں گے۔ آپ حضرات سے گذارش ہے کہ وقت مقررہ پر جوق در جوق شرکت فرما کردارین کی سعادتیں حاصل کریں۔(سید رفیق احمد)
مسجد حضرت توکل مستان شاہ میں جشن گیارھویں شریف
بنگلورو۔(راست) مؤرخہ 6نومبر بروز اتوار بعد نماز عشاء بمقام مسجد حضرت توکل مستان شاہ سہروردی، کاٹن پیٹ بنگلور جشن گیارہویں شریف کا انعقاد کیا گیا ہے۔ صدارت محمد اسلم مصباحی، قاضی ادارہ شرعیہ کرناٹک کی ہوگی۔ ناصر رضا خان، خطیب مسجد حضرت توکل مستان شاہ قیادت کریں گے۔ مقرر خصوصی مفتی الشاہ محمد قلندر رضوی کا خطاب ہوگا۔ تمام سے شرکت کی گزارش ہے۔(منتظمین)
مولانا ڈاکٹر عبدالخالق ندوی کے دینی پروگرام
بنگلورو۔ (راست) ہر جمعہ مسجد معظم بی ٹی ایم لے آؤٹ بنگلور میں مولانا ڈاکٹر عبدالخالق ندوی چینئی سے تشریف لا رہے ہیں اور حالات ِ حاضرہ کے پیش نظر اہم ترین موضوعات پر آسان اور دلکش انداز میں قرآن کریم کی روشنی میں جمعہ کا خطاب فرماتے ہیں اور بعد نماز جمعہ3.30بجے تا اذانِ عصر خواتین اسلام کیلئے اصلاحی و تربیتی بیانات کا سلسلہ جاری ہے۔ برادرانِ اسلام و خواتین حضرات سے پر خلوص گزارش ہے کہ ان زرّین موقعوں سے بھر پور فائدہ اٹھائیں۔ (صدرو سکریٹری وجملہ اراکین مسجد معظم)
آج جامع مسجد سٹی میں 3 اجتماعی نکاح
بنگلورو۔(راست) جامع مسجد بنگلور سٹی میں ماہانہ اجتماعی محفل نکاح کے تحت بروز جمعہ بتاریخ4نومبر بعد نماز جمعہ3غریب جوڑوں کا اجتماعی نکاح ہوگا۔ تمام احبا ب سے التماس ہے کہ عقد نکاح کی مجلس میں شر کت فر ما ئیں اور عاقدین کے حق میں دعا فر ما ئیں۔ (سکریٹر ی جامع مسجد بنگلور سٹی)
جامع مسجد مالور میں اجلاس عام
مالور۔(راست) مؤرخہ 6نومبر بروز اتوار صبح 9بجے بمقام جامع مسجد مالور ضلع کولار اجلاس عام منعقد کیا گیا ہے۔جس کی صدارت مولانا مفتی افتخار احمد قاسمی صدر جمعیۃ علماء کرناٹک کریں گے۔ کلیدی خطاب مولانا مفتی سید محمد عفان صاحب منصور پوری کریں گے۔ دیگر علماء کرام بھی خطاب کریں گے۔ تمام سے شرکت کی گزارش ہے۔(اراکین جمعیۃ علماء ضلع بنگلور، کولار چکبالاپور)