مجلس تفسیر قرآن کریم
بنگلورو(راست) مسجد عرفات،دیو سندرہ، کے آر پورم، بنگلور میں ہر جمعہ بعد نماز مغرب مولانا مفتی محمد زکریا قاسمی صدر مفتی دارالافتاء مجلس تحقیق بنگلور عام فہم انداز میں تفسیر قرآن کریم بیان فرمارہے ہیں،جس میں امت کا ایک بہت بڑا طبقہ قرآنی علوم سے فیضیاب ہو رہا ہے۔آپ حضرات سے بھی شرکت کی درخواست ہے۔(کمیٹی مسجد عرفات،دیو سندرہ، کے آر پورم، بنگلور)
مجلس تفسیر قرآن مجید
بنگلورو۔(راست) مسجد عائشہ منگمناپالیہ بمن ہلی بنگلور میں گزشتہ کئی سالوں سے مجالس تفسیرقرآن مجید کا مبارک سلسلہ جاری ہے۔ مولانا افتخار احمد قاسمی مہتمم مدرسہ عربیہ تعلیم القرآن بسم اللہ نگر وصدر جمعیۃ علماء کرناٹک مورخہ30/ستمبر بروز جمعہ بعد نماز عشاء 8:45تا9:50 حالات حاضر کی روشنی میں قرآن مجید کی تفسیر فرمائیں گے۔ تمام برادران اسلام سے شرکت کی گزارش ہے۔ (مستورات کے لئے پردہ کا معقول انتظام ہے، سکریٹری)
مجلس تفسیر قرآن کریم
بنگلور۔ (راست)مورخہ 30/ستمبر بروز جمعہ بعد نماز عشاء مسجد مرکزالمعارف منہاج نگر بنگلور میں مولانا محمد ادریس القاسمی، تفسیر قرآن کریم بیان فرمائیں گے۔ لہٰذا تمام برادران اسلام سے گزارش ہے کہ شرکت فرماکر ثواب دارین حاصل کریں اورقرآن کو سمجھنے کی کوشش کریں۔
مسجد طٰہٰ میں تفسیر قرآن مجید
بنگلور۔ (راست) مسجد طٰہٰ ڈی جے ہلی میں تفسیر کلام پاک کا بابرکت سلسلہ ہر جمعہ بعد نماز عشاء جاری ہے جس میں مولانا عرفان احمد رشادی، بانی ومہتمم مدرسہ صفۃ النور بنگلور عام فہم انداز میں تفسیر کریں گے۔ برادران اسلام سے اس مجلس میں شرکت کی درخواست ہے۔(محمد افسر،صدر)
مکہ مسجد میں تفسیر قرآن کریم
بنگلورو (راست) مکہ مسجد نیلسندرا بنگلورمیں ہرجمعہ بعد نماز عشا مولانا ڈاکٹرعبدالخالق قرآن مجید کی تفسیر بیان کریں گے۔ مستورات کے لئے پردہ کا نظم ہے۔ تمام سے استفادہ کی گزارش ہے۔
محمد علی ہال میں تفسیرقرآن کریم
بنگلورو۔(راست) یجمان محمد علی ہال، معسکر بنگلورمیں تفسیر قرآن کے درس کا سلسلہ تقریباً 70 سال سے چل رہا ہے۔ ہر جمعہ شب کے ساڑھے نو بجے سے تفسیر شروع ہوتی ہے۔ مفتی محمد اسلام انجم، خطیب وامام مسجد لبابین، کمرشیل اسٹریٹ تفسیر بیان کررہے ہیں۔ تمام حضرات سے شرکت کی گزارش ہے۔ خواتین کے لئے پردہ کا انتظام ہے۔ (ادارہ تفسیر قرآن عظیم)
مولانا ڈاکٹر عبدالخالق ندوی کے دینی پروگرام
بنگلورو۔ (راست) ہر جمعہ مسجد معظم بی ٹی ایم لے آؤٹ بنگلور میں مولانا ڈاکٹر عبدالخالق ندوی چینئی سے تشریف لا رہے ہیں اور حالات ِ حاضرہ کے پیش نظر اہم ترین موضوعات پر آسان اور دلکش انداز میں قرآن کریم کی روشنی میں جمعہ کا خطاب فرماتے ہیں اور بعد نماز جمعہ3.30بجے تا اذانِ عصر خواتین اسلام کیلئے اصلاحی و تربیتی بیانات کا سلسلہ جاری ہے۔ برادرانِ اسلام و خواتین حضرات سے پر خلوص گزارش ہے۔(صدرو سکریٹری وجملہ اراکین مسجد معظم)
درگاہ حضرت سید صفدر علی شاہ ؒ میں چھٹی و ضیافت عام
بنگلورو۔(راست) بروز جمعہ بتاریخ30/ستمبر 2022ء، بوقت بعد نماز مغرب، بمقام درگاہ حضرت سید صفدر علی شاہ قادری ؒ و حضرت سید شمشیر علی شاہ قادریؒ و درگاہ حضرت کاس کے پیر ؒ، ٹیپو سلطان پیالیس روڈ، رائن سرکل، چامراج پیٹ حضرت خواجہ سیدنا معین الدین چشتی ؒ غریب نواز کی چھٹی و ضیافت عام کا اہتمام کیا گیا ہے۔ قاری صوفی ولی با قادری فاتحہ خوانی و دعاء کریں گے۔ یہ کاروائی دونوں درگاہ وقف بورڈ ادارے کے صدر رحمت اللہ شریف،جنرل سکریٹری عبدالعلیم،مجلس منتظمہ و اراکین کمیٹی کی زیر نگرانی ادا کی جائے گی۔ تمام برادران اسلام و دختران ملت سے شرکت کی اپیل کی جاتی ہے۔ خواتین کیلئے پردے کا اہتمام کیا گیا ہے۔ (عبدالعلیم، سکریٹری)
مسجد حضرۃ سیدہ سیدانی بیؒ میں محفل ذکر
بنگلورو۔ (راست) مسجد حضرۃ سیدہ سیدانی بی بیؒ سرمرزا اسماعیل چوک، روبرو سٹی مارکیٹ بنگلورمیں ہر جمعہ بعد نماز عصر محفل ذکرمنعقد ہے۔ جس میں مولانا الشاہ سید محمد معین الدین اصدق اشرفی، خطیب وامام مسجد حضرۃ سیدہ سیدانی بی ذکر فرمائیں گے۔ ذکر کی محفل کے بعد دعا ہوگی اور تمام حاضرین میں شیرینی تقسیم کی جائے گی۔ تمام اہل سلاسل سے پرخلوص گزارش ہے کہ اس نورانی محفل میں مع دوست واحباب شرکت فرماکر سعادتوں سے مالا مال ہوں۔
سنی جامع مسجد بارلین میں محفل ذکر
بنگلورو۔(راست) بروز جمعہ 30/ستمبر شب کے 9:00بجے بمقام سنی جامع مسجد بارلین، میسور روڈ بنگلور مولانا احمد اللہ خان مظہر صدیقیؒ کے فرزند امین اللہ خان قادری کی سرپرستی میں محفل ذکر منعقد ہے۔ برادران اسلام سے پرخلوص گزارش ہے کہ اس نورانی محفل میں مع دوست واحباب شرکت فرماکر سعادتوں سے مالا مال ہوں۔ (مجلس منتظمہ سنی جامع مسجد بارلین)
مولانا اکبر شریف ندوی کا خطاب
بنگلورو۔ (راست) مسجد عبدالسبحان بی ٹی یم لے آؤٹ نزد وزڈم انٹرنیشنل اسکول بنگلورمیں برووز جمعہ بتاریخ30/ستمبر 2022 کو مبلغ اسلام مولانا محمد اکبرشریف ندوی کا نماز جمعہ سے قبل ٹھیک 1/بجے خطاب ہوگا اور1:30بجے کو نماز جمعہ ادا کی جائے گی۔ تمام احباب سے شرکت کی گزارش ہے۔
جامع مسجد بومنہلی میں محافل میلاد النبیؐ
بنگلورو (راست) جامع مسجد اہلسنت وجماعت بومنہلی، بنگلور میں یکم تا12/ربیع الاول ہرشب بعد نماز عشاء محفل میلاد النبیؐ منعقد ہوگی جس میں مولانا محمد اکبر علی خان رضوی کا خطاب ہوگا۔ سہیل رضا قادری اورعبدالمناف رضوی نعت شریف پیش کریں گے۔ تمام برادران اسلام سے شرکت کی گزارش ہے۔ (صدر واراکین جامع مسجد اہلسنت وجماعت)