جونپور۔12جون(یواین آئی) اترپردیش کے ضلع جونپور میں خونی رشتہ کو تار تار کرنے والے ایک والد کو اپنی ہی نابالغ بیٹیوں کے ساتھ عصمت دری کے الزام میں گرفتار کیا ہے۔ اس گھنونی واردات کی شکایت متاثرہ بیٹیوں کی ماں نے پولیس میں درج کرائی ہے۔جونپور کے اڈیشنل سپرنٹنڈنٹ آف پولیس(دیہات) شیلندر کمار سنگھ نے اتوار کو یہاں بتایا کہ پولیس کو دی گئی ماں کی تحریر میں نابالغ بچیوں نے اپنے والد کے ساتھ دو سے تین دیگر افراد پر الزام لگایا ہے کہ وہ نشہ آوار اشیاء کھلا کر مئی ماہ تک ان کے ساتھ منھ کالا کرتے رہے۔ الزام یہ بھی ہے کہ والد حیوانیت کی حد پار کر کے اس کے کالے کرتوتوں کو اجاگر کرنے پر بیٹیوں سمیت ماں کو جان سے مارنے کی دھمکی بھی دیتا رہا۔ متاثرہ کی ماں کی شکایت پر سریری پولیس نے عصمت دری کا مقدمہ درج کرکے ملزم دھیرج پانڈے کو گرفتار کیا ہے۔سنگھ نے بتایا کہ ضلع میں سریری تھانہ علاقے کے ایک گاؤں کی دو بچیوں نے ماں کے ذریعہ سے پولیس تھانے میں تحریر دے کر اپنے والد سمیت دیگر دو سے تین افراد پر کئی ماہ سے عصمت دری کرنے کا الزام لگایا ہے۔
بچیوں کی ماں بیوٹی پارلر چلاتی ہے۔ ماں کے ھر پر نہ رہنے کے دوران والد نابالغ بچیوں کے ساتھ منھ کالا کرتا تھا۔ ساتھ ہی اس بات کو اجاگر کرنے پر ماں سمیت انہیں جان سے مارنے کی دھمکی بھی دیتا تھا۔ جس کے ڈر سے بچیوں نے اپنی ماں کو بھی اس کی جانکاری نہیں دی۔ اس کی آڑ میں والد بیٹیوں سے مہینوں تک عصمت دری کرتا رہا۔الزام ہے کہ اسی درمیان والد اپنی ایک بیٹی کو لے کر ممبئی چلاگیا۔ وہاں بھی اپنی13سالہ نابالغ بیٹی سے کچھ دن اکیلے زبردستی عصمت دری کیا۔ اس کے بعد انہیں نشہ آوار اشیاء کھلا کر اس نے اپنے دو۔ تین ساتھیوں ساتھ بیٹی کے ساتھ عصمت دری کیا۔ممبئی سے واپس جونپور واقع اپنے گاؤں لوٹنے پر والد کی اس حرکت سے متاثرہ نابالغ بیٹی نے ہمت کر کے اپنی ماں کو پوری روداد سنائی۔چھوٹی بہن کی ہمت کو دیکھ کر بڑی بیٹی نے بھی اپنی آب بیتی ماں کو بتا دیا۔ دونوں بچیوں نے ماں کے ساتھ سریری تھانے پر پہنچ کر معاملے کی تحریری شکایت کی پولیس نے ملزم والد دھیرج پانڈے کے خلاف مقدمہ درج کے اسے گرفتار کرلیا ہے۔