پونے۔ 27 اپریل (آئی این ایس)رائل چیلنجرز بنگلور (آر سی بی) کے ہیڈ کوچ سنجے بانگڑ نے ایک بار پھر کہا کہ اسٹار بلے باز ویراٹ کوہلی جلد ہی اس برے دور سے باہر آجائیں گے جس سے وہ گزر رہے ہیں اور ٹیم کو انڈین پریمیئر لیگ (آئی پی ایل) جیتنے میں مدد کریں گے۔کوہلی نے اپنی آخری پانچ اننگز میں نو، صفر، صفر، بارہ اور ایک رنز بنائے ہیں، جس انداز میں انہیں آؤٹ کیا گیا اس سے اندازہ ہوتا ہے کہ وہ اپنی بہترین فارم میں نہیں ہیں۔جہاں تک ان کی فارم کا تعلق ہے، کوہلی ایک عظیم کرکٹر ہیں،بانگڑ نے راجستھان رائلز سے آر سی بی کی 29 رنز کی شکست کے بعد ایک پریس کانفرنس میں کہاکہ وہ پہلے بھی کئی بار اس طرح کے اتار چڑھاؤ کا سامنا کر چکے ہیں، میں نے ان کا بہت قریب سے جائزہ لیا ہے۔انہوں نے کہاکہ ان کے پاس جذبہ اور امنگ ہے اور وہ جلد ہی اس مرحلے سے نکل کر ایک بڑی اننگز کھیلیں گے، وہ آنے والے اہم میچوں میں ٹیم کی فتح میں اہم کردار ادا کریں گے۔بانگر نے کہاکہ ہم پریکٹس کے دوران تھوڑی مختلف بات نہیں کرتے ہیں، جس طرح سے وہ تیاری کرتا ہے، وہ کبھی کوئی سستی نہیں کرتا اور یہی اس کی خاصیت ہے۔یہی وجہ ہے کہ وہ مشکل حالات سے نکلنے کے قابل ہے، اس کا رویہ قابل تعریف ہے۔ جی ہاں، انہوں نے پچھلے میچوں میں کم رنز بنائے لیکن وہ ذہنی طور پر اتنا مضبوط ہے کہ جلد ہی بہتر کارکردگی دکھا سکے گا۔