مودی حکومت نے اسپائی ویئراستعمال کر کے جمہوریت کو داغدار کیا:کانگریس

RushdaInfotech July 21st 2021 urdu-news-paper
مودی حکومت نے اسپائی ویئراستعمال کر کے جمہوریت کو داغدار کیا:کانگریس

رانچی، 20 جولائی (یواین آئی) جھارکھنڈ کانگریس کمیٹی کے ترجمان آلوک کمار دوبے، لاکشور ناتھ شاہ دیو اور ڈاکٹر راجیش گپتا چھوٹو نے کہاکہ مودی حکومت نے اسپائی ویئر”پیگا سس“ استعمال کر کے ہندوستانی جمہوریت کو داغدار کیا ہے اور جمہوری اقدار پر حملہ کیا ہے۔کانگریس ترجمان نے منگل کوکہاکہ آج انتخابات کے دوران سیاسی سازش کے تحت جاسوسی کو انجام دینا مجرمانہ عمل ہے۔ رپورٹ میں شرمناک خلاصہ ہواہے کہ اسپائی ویئر پیگا سس کا استعمال ہندوستان کی پارلیمنٹ کے 2019 کے عام انتخابات میں سیل فون ہیک کرنے کیلئے بھی کیاجارہا تھا اور اس میں مودی حکومت کی بھی ملی بھگت ہے۔ریاستی کانگریس کمیٹی کے ترجمان مسٹر دوبے نے کہاکہ سنگھ۔ بی جے پی کے ڈی این اے میں جاسوس کی لت انگریزوں کے وقت سے ہے، یہ چھٹے گی تھوڑی۔ انہوں نے کہاکہ پیگاسس اسپائی ویئر صرف حکومت کو فروخت کیا جاتاہے۔ بی جے پی حکومت واضح کرے کہ کیا اس نے پیگا سس اسپائی ویئر کا استعمال کیا۔ ملک جاسوسی معاملے پر بی جے پی حکومت کا جواب چاہتاہے۔ انہوں نے کہاکہ پیگا سس اسپائی ویئر نے نیشنل انٹر نیٹ بیک بون اور ایم ٹی این ایل سمیت کئی ٹیلی فون۔ انٹر نیٹ پرووائیڈر کو نقصان پہنچایاہے۔ اس سے واضح ہوتاہے کہ ملک کے باشندوں کی خفیہ جانکاری اور رازداری کی بھی خلاف ورزی ہوئی ہے۔ریاستی کانگریس ترجمان لال کشور ناتھ شاہ دیو نے کہاکہ پیگاسس اسپائی ویئر کا استعمال سیاست دانوں، نامہ نگاروں، ماہرین تعلیم، سماجی کارکنوں کو نشانہ بنانے کیلئے کیا گیاہے۔ ایسی ڈرپوک حکومت نے بین الاقوامی سطح پر ملک کی شبیہ کو نقصان پہنچایا ہے۔ انہوں نے کہاکہ نیوز رپورٹ کہہ رہی ہیں کہ صرف نامہ نگاروں، اپوزیشن کے لیڈروں اور اپنے وزیروں کو نہیں، ملک کی سکیورٹی ایجنسیوں کے ہیڈ ہیں، جو لوگوں کی حفاظت کرتے ہیں، ملک کی سرحدوں کی حفاظت کرتے ہیں، مودی حکومت ان کی بھی جاسوسی کر رہی تھی، کم سے کم انہیں تو بخش دیاجاتا۔ریاستی کانگریس ترجمان ڈاکٹر راجیش گپتا نے کہاکہ بی جے پی لیڈروں کو یہ بتانا چاہئے کہ پارٹی کے سنیئر لیڈر راہل گاندھی کے فون کی جاسوسی کر کے وہ کس طرح کے جرائم اور ٹیرر سے لڑائی لڑ رہے تھے۔ نامہ نگاروں کی جاسوسی کروا کر کون سے ٹیررسٹ سے لڑ رہے تھے، چیف الیکشن کمیشن کی جاسوسی کر کے کون سے دہشت گردوں سے لڑ رہے تھے۔


Recent Post

Popular Links