نئی دہلی، 12فروری (یواین آئی) سچن ٹنڈولکر کے بیٹے اور ممبئی کے بائیں ہاتھ کے فاسٹ بولر ارجن ٹنڈولکر کو18فروری کو چنئی میں ہونے والی آئی پی ایل2021سیزن نیلامی کے لئے کھلاڑیوں کی شارٹ لسٹ میں شامل کیا گیا ہے۔ جبکہ آئی پی ایل اسپاٹ فکسنگ تنازعہ میں پھنسنے کے بعد حال ہی میں کرکٹ میں واپسی کرنے والی ٹیم انڈیا کے سابق تیز گیندباز شانتا کمارن شری سنت کو اس میں جگہ نہیں ملی ہے۔بائیں ہاتھ کے فاسٹ بولر ارجن ٹنڈولکر نے حال ہی میں سید مشتاق علی ٹی۔ 20ٹورنمنٹ میں ممبئی کے لئے کھیلا تھا اور وہ گذشتہ کچھ برسوں سے ممبئی انڈینز کے ساتھ ٹریننگ حاصل کررہے ہیں۔ نیلامی کے لئے ان کی بنیادی قیمت20لاکھ روپے رکھی گئی ہے۔سری سنت کی معطلی گذشتہ سال ستمبر میں اسپاٹ فکسنگ تنازعہ میں آئی پی ایل2013میں شامل ہونے کے بعد ختم ہوگئی تھی جس کے بعد وہ حال ہی میں کرکٹ کے میدان میں واپس آئے تھے اور مشتاق علی میں کیرلا کے لئے کھیلے تھے۔ سری سنت کی بنیادی قیمت7.5لاکھ تھی لیکن انہیں شارٹ لسٹڈ کھلاڑیوں کی فہرست میں جگہ نہیں مل پائی۔