نئی دہلی،19/جنوری (آئی این ایس) آسٹریلیا کے خلاف بارڈر گواسکر ٹسٹ سیریز کے دوران بہت ساری چیزیں دیکھنے کو ملیں۔ پہلی بات یہ ہے کہ ٹیم انڈیا کی بینچ اسٹرینتھ کما ل کی ہے، جس نے اسٹار کھلاڑیوں کی عدم موجودگی میں ٹیم کی فتح میں اہم کردار ادا کیا۔ دوسری بات یہ کہ ہندوستانی ٹیم مکمل طور پر کپتان ویراٹ کوہلی پر منحصر نہیں ہے اور تیسری بات یہ ہے کہ جیت کے لئے میدان پر جارحیت دکھانا ضروری نہیں ہے۔ رہانے کی طرح ٹھنڈے دماغی سے بھی کپتانی کرکے ایک مضبوط ٹیم کو اس کے گھر میں شکست دی جاسکتی ہے۔ اس ٹسٹ سیریز کے دوران کئی کھلاڑیوں نے ڈیبو کیا جس میں محمد سراج، گل، واشنگٹن سندر، نویدیپ سینی، شاردل ٹھاکر اور ٹی نٹراجن جیسے کھلاڑی شامل ہیں۔ شاردال ٹھاکر کو بھی موقع ملا، لیکن انہوں نے اس ٹسٹ سیریز سے قبل ایک ٹسٹ میچ کھیلا تھا لیکن ان کے پاس زیادہ تجربہ نہیں تھا۔ زیادہ تجربہ نہ ہونے کے باوجود انہوں نے بیٹنگ اور بولنگ دونوں میں اپنے جوہر کا مظاہرہ کیا۔یہ ٹسٹ سیریز جیتنے میں ہر کھلاڑی کا تعاون رہا، لیکن ٹیم کے اوپنر بلے باز گل، محمد سراج اور واشنگٹن سندر نے سب سے زیادہ متاثر کیا۔